اسلام آباد(ایس ایم حسنین) سینئر صحافی طارق محمود ملک کے انتقال پر وزیرخارجہ شاہ محمود قریشی اور ترجمان دفتر خارجہ نےافسوس کا اظہار کیا ۔ وزیر خارجہ نے کہا ہے کہ طارق محمود ملک ایک زیرک اور منجھے ہوئے رپورٹر تھے ۔وزیر خارجہ نے طارق محمود ملک کے اہل خانہ کے ساتھ اظہار تعزیت کی ہے اور کہا ہے کہ اللہ رب العزت مرحوم کی مغفرت فرمائیں ، ان کے درجات بلند فرمائیں، اور اہل خانہ کو صبر جمیل عطا فرمائے۔ دفتر خارجہ کی طرف سے جاری بیان میں کہا گیا کہ سینئر صحافی طارق محمود ملک نے دو عشروں سے زیادہ عرصے تک دفتر خارجہ کی سرگرمیوں کو کور کیا۔ ترجمان دفتر خارجہ نے دعا کی ہے کہ اللہ تعالیٰ مرحوم کو بلند درجات ، اس کے اہل خانہ اور دوستوں کو صبر جمیل عطافرمائے۔ترجمان نے کہا کہ طارق محمود کی موت میڈیا اور صحافی برادرانہ کے لئے ناقابل تلافی نقصان ہے۔ انہیں وزارت خارجہ کے امور سمیت اپنے دوستوں اور ساتھیوں کے ساتھ ساتھ ان کے لاکھوں ناظرین اور ہمیشہ یاد رکھیں گے۔

SENIOR, JOURNALIST, TARIQ MEHMOOD MALIK, DIED, TODAY, FOREIGN, OFFICE, EXPRESSED, CONDOLENCE