Screen actors Guild Awards

لاس اینجلس …. لاس اینجلس میںا سکرین ایکٹرز گلڈ ایوارڈز کا بائیسویں میلہ فلم اسپاٹ لائٹ نے جیت لیا ۔ میلے میں ایک ایسا خوش نصیب فنکار بھی تھا جسے پہلی مرتبہ دو ایوارڈز اپنی جھولی میں سمیٹنے کا موقع ملا۔ یہ ہیں ادریس ایلبا ۔
فلم اسپاٹ لائٹ تحقیقی صحافت پر مبنی فلم ہے جس میں کیتھولک چرچ میں بچوں کے ساتھ بدسلوکی کے اسکینڈلز کو موضوع بنایا گیا ہےچونکہ اسکرین ایکٹرز گلڈ ایوارڈز کو آسکر ایوارڈز کے ہم پلہ تصور کیا جاتا ہے، اس لئے فلم کی کاسٹ اور کرئیو کے ساتھ ساتھ فلمی دنیا سے جڑے تمام لوگوں کے لئے یہ بہت بڑی خوش خبری قرار پائی۔ بہترین اداکاری کا مظاہرہ کرنے پر اداکار ادریس ایلبا نے دو ایوارڈ جیتے۔ یہ پہلا موقع تھا کہ کسی اداکار نے اس تقریب میں دو ایوارڈ سمیٹنے کا اعزاز حاصل کیا۔انہوں نے بیسٹس آف نو نیشن اور لدھر میں بہترین پرفارمنس کا مظاہرہ کرنے پر ایوارڈ تھامے۔لیو نارڈو ڈی کیپریو نے دی ریو ینیٹ میں بہترین اداکاری اور اداکارہ بری لارسن نے فلم روم کے لیے بہترین اداکارہ کا ایوارڈ جیتا۔ٹیلیویژن کی سب سے اچھی کاسٹ کا ایوارڈ اورینج از دی نیو بلیک اور ڈائون ٹن ابے کے نام ٹھہرا۔ہالی وڈ فلم میڈ میکس : فری روڈ اور معروف ٹی وی سیریز گیمز آف تھرونز نے بھی ایوارڈ اپنی جھولی میں ڈالے۔ قبل ازیں فلمی ستاروں کے زرق برق ملبوسات نے تقریب کو چار چاند لگا دئیے۔ تقریب میں اداکارہ سورس رونان الیشیا ویکنڈر بری لارسن ادریس ایلبا ویولا ڈیوس رمی ملک اور سٹریٹ آوٹا کومپٹن کی کاسٹ شریک ہوئی۔