اسکاٹ لینڈ کے قصبے فالکرک میں ٹریفک حادثہ میں 9 سالہ بچی سمیت پاکستانی خاندان کے 3 افراد جاں بحق جبکہ 3 زخمی ہو گئے۔
فالکرک: (یس اُردو) مقامی اخبار کے مطابق پاکستانی خاندان کی کار اسکاٹ لینڈ کے قصبے فالکرک میں موٹر وے ایم 9 پر ایک ویگن سے ٹکرا گئی۔ تصادم کے نتیجے میں ایک خاتون اور مرد موقع پر ہی جاں بحق ہو گئے جبکہ 9 سالہ بچی اسپتال میں دم توڑ گئی۔ پولیس نے تحقیقات کے لیے موٹر وے کے جنکشن 4 اور 3 کو ٹریفک کے لیے بند کر دیا۔ پولیس نے عوام سے اپیل کی ہے کہ اگر کسی بھی عینی شاہد کے پاس حادثے کے حوالے سے تفصیلات ہوں تو وہ پولیس سے رابطہ کریں۔
