پیرس، پاکستان فیسٹول فرانس کمیٹی کے سردار ظہور اقبال کی اعلیٰ حکمت عملی اورلگن نے پاکستان فیسٹول 2019 کو منفرد بنانے میں اہم کردار اداکیا، ملک عابد
پیرس؍اسلام آباد(ایس ایم حسنین) پاکستان تحریک انصاف فرانس کے نامزد صدر ملک عابد نے پاکستان فیسٹول کمیٹی کے سردار ظہور اقبال کو خراج تحسین پیش کرتے ہوئے کہا کہ پاکستان فیسٹول فرانس 2019 اپنی خصوصیات کے حوالے سے منفرد مقام رکھتا ہے۔ ان کا کہنا تھا کہ سردارظہور اقبال کا ویژن اور حکمت عملی نے پاکستان فیسٹول کو اعلیٰ ترین بنانے میں اہم کردار ادا کیا۔
ان کا کہنا تھا کہ یورپ بھر کی اعلیٰ پاکستان شخصیات اورپاکستان سے تشریف لانے والے معزز مہمانوں کی طرف سے خراج تحسین پاکستانی کمیونٹی کیلئے قابل فخر لمحات تھے ۔
واضح رہے کہ 29ستمبر کو 2019فرانس کے دارالحکومت پیرس میں پاکستان فیسٹیول 2019 کا انعقاد کیاگیا پاکستانی کمیونٹی سمیت بچوں اور خواتین نے کثیر تعداد میں شرکت کی،اس موقع پر کپڑوں،جیولری اور مہندی کے اسٹال بھی خواتین کی توجہ کا مرکز بنے رہے، پاکستان کے روایتی کھانوں حلوہ پوڑی، سموسے، پکوڑے اور گول گپوں کے اسٹالز پر بھی رش کا سماں رہا،پاکستانی کمیونٹی نے ایسے ایونٹس کو خوش آئند قرار دیا،
پیرس، پاکستان فیسٹول فرانس کمیٹی کے سردار ظہور اقبال کی اعلیٰ حکمت عملی اورلگن نے پاکستان فیسٹول 2019 کو منفرد بنانے میں اہم کردار اداکیا، ملک عابد
