ٹی وی ڈراموں کی معروف فنکارہ مروا حسین کی پہلی فلم صنم تیری قسم آج پاکستان ،
لاہور(کلچرل رپورٹر) ٹی وی ڈراموں کی معروف فنکارہ مروا حسین کی پہلی فلم صنم تیری قسم آج پاکستان ، بھارت اور متحدہ عرب امارات سمیت دنیا کے کئی ممالک میں نمائش کیلئے پیش کی جائیگی ۔ پاکستان میں اس فلم کو آئی ایم جی سی کے بینر تلے ریلیز کیا جا رہا ہے جنہوں نے لاہور اور کراچی میں پریمیئر کروانے کا فیصلہ کیا ہے ۔بھارت کے مختلف شہروں میں فلم کی تشہیر کے بعد مروا حسین پاکستان پہنچ گئی ہیں اور اب یہاں مختلف شہروں میں تشہیری مہم کا حصہ بنیں گی ۔فلم صنم تیری قسم کا میوزک بالی ووڈ گلوکاروموسیقار ہمیش ریشمیا نے ترتیب دیا جو ریلیز سے پہلے ہی مقبولیت حاصل کرچکاہے ۔
