ممبئی: بالی ووڈ کے دبنگ سلمان خان نے اپنی سابق گہری دوست باربی ڈول کترینہ کیف کو بالی ووڈ کی سب سے زیادہ محنتی اداکارہ قراردے دیا ہے۔

Salman Khan has named Katrina as the most hard actress

سلمان خان اور کترینہ کیف علیحدگی کے ایک لمبے عرصے کے بعد پھرسے ایک دوسرے کی قربت میں گرفتار ہوتے جارہے ہیں جہاں اداکارکی جانب سے مسلسل کترینہ کے بہترین کرئیرکی منصوبہ بندی کی جاتی ہے جب کہ انہوں نے کترینہ کو بالی ووڈ کی سب سے محنتی اداکارہ بھی قرار دے دیا ہے۔ اس حوالے سے انٹرویو کے دوران سلمان خان کا کہنا تھا کہ پوری بالی ووڈ میں اداکارہ بہترین اورسب سے محنتی اداکارہ ہیں جب کہ نیویارک میں سجنے والے 18 ویں آئیفا ایوارڈزمیں بھی دونوں ساتھ ساتھ نظر آئے اورایک دوسرے کی تعریفوں کے پل باندھتے رہے۔ سلمان خان کا بالی ووڈ میں اپنے 30 سالوں پرمبنی کرئیرکے حوالے سے بھی کہنا تھا کہ 30 سالوں سے انڈسٹری سے جڑے رہنے کے بعد اب انہیں فلم کی کہانی کے حوالے سے یہ علم بہت اچھے سے ہے کہ کون سی کہانی چلتی ہے اور کون سی نہیں۔ واضح رہے کہ اداکارجلد ہی اداکارہ کترینہ کے ساتھ فلم ٹائیگرزندہ ہے میں اداکاری کرتے نظر آئیں گے جو رواں سال 22 دسمبر کوسنیما گھروں کی زینت بنے گی۔