سکھر کی نہروں سے سمندری حیات نمودار ہو گئیں، نایاب ڈولفن کو دیکھ کر شہری حیران رہ گئے مگر مچھ نکلنے پر محکمہ وائلڈلائف کے حوالے کر دیا گیا۔
سکھر: گوٹھ چھٹولونڈ کی نہر میں نایاب ڈولفن کو دیکھ کر دیہاتیوں کو شدید حیرت ہوئی۔ تھوڑی سی تگ ودو کے بعد اسے رسیوں سے باندھ لیا اور وائلڈ لائف کے عملے کو اطلاع دیدی۔سکھر ہی میں صالح پٹ کے قریب نارا کینال سے آٹھ فٹ لمبا مگر مچھ نکل آیا۔ یہاں بھی گوٹھ والوں نے اسے رسیوں میں جکڑ کر درخت سے باندھ دیا۔ تاہم محکمہ جنگلی حیات نے مگر مچھ کو نارا کینال کے قدرتی ماحول میں چھوڑ دیا ہے۔
