SAF Games in Islamabad

اسلام آباد…… سیف گیمز کی تیاری کے لئے12 مختلف کھیلوں کے تربیتی کیمپس پاکستان اسپورٹس کمپلیکس اسلام آبادمیں جاری ہیں۔
پاکستان اسپورٹس بورڈ کے ڈپٹی ڈائریکٹر جنرل (سہولیات) آغا امجد اللہ نے بتایا کہ تربیتی کیمپ میں ایتھلیٹکس، کبڈی ، ووشو،تائیکوانڈو، آرچری، ویٹ لفٹنگ، ہینڈ بال ، باسکٹ بال ،والی بال، بیڈمنٹن ، باکسنگ اور سوئمنگ کے کھلاڑیوں کو مختلف کوچز اعلیٰ اور جدید تربیت دے رہے ہیں اور کھلاڑی بھر پور محنت کررہے ہیں۔انہوں نے کہا کہ پاکستان اسپورٹس بورڈ ان کھلاڑیوں کو تمام ضروری سہولیات فراہم کر رہا ہے اور امید ہے کہ کھلاڑی سیف گیمز میں شاندار کارکردگی کا مظاہرہ کریں گے، سیف گیمز 6 سے 16 فروری میں بھارت میںہوں گے۔