کراچی ….پاکستانی ہدایت کار وجاہت رؤف اپنی کامیاب فلم کراچی سے لاہور کے بعد ایک نئی فلم بنانے جارہے ہیں جس میں صبا قمر راک اسٹار کا کردار ادا کرتی نظر آئیں گی۔
فلم میں کراچی سے لاہور کی کاسٹ جیسے یاسر حسین، روبینہ اشرف اور بہروز سبزواری بھی کام کریں گے جس سے اندازہ ہوتا ہے کہ یہ کراچی سے لاہور کا سیکوئل ہوگاالبتہ اداکارہ صبا قمر اس بات سے اتفاق نہیں کرتیں۔میڈیاسے بات کرتے ہوئے صبا قمر کا کہنا تھا کہ مجھے سمجھ نہیں آرہا کہ سب اس فلم کو سیکوئل کا نام کیوں دے رہے ہیں، یہ کراچی سے لاہور کا سیکوئل نہیں بلکہ اس سے بالکل مختلف ہے ۔ فلم کی شوٹنگ کراچی میں نہیں بلکہ شمالی علاقوں میں کی جائے گی۔صبا کا مزید کہنا تھا کہ فلم میںپرانی غلطیوں کو دہرایا نہیں جائے گا۔ یہ ایک غیر روایتی کہانی پر مبنی فلم ہے اورمیں ایک راک اسٹار کا کردار ادا کر رہی ہوں
