Robbery in the city

شیخوپورہ(بیورورپورٹ)شہر اور اس کے نواحی علاقوں میں ڈکیتی، راہزنی اور چوری کی متعدد وارداتیں ہوئیں، مد ر شریف کے نزدیک دو ڈاکوؤں نے ننکانہ صاحب سے کوٹ عبدالمالک آنے والی ایک موٹر سائیکل کو روک کر اس میں سوار عثمان علی اور اس کی بیوی کو لاکھوں روپے مالیت کے زیورات کے علاوہ موٹر سائیکل سے بھی محروم کردیا، ملیاں کلاں میں بس سٹاپ پر کھڑے نوجوان زاہد اقبال سے چار مسلح افراد 50ہزار روپے اور موبائل فون چھین کر فرار ہوگئے، نین سکھ کے قریب تین ڈاکو محنت کش عظیم علی سے 37ہزار روپے اور موٹر سائیکل چھین کر فرار ہوگئے، کوٹ نور شاہ میں نوجوان محمد فیصل سے تین ڈاکوؤں نے موٹر سائیکل چھین لی، فتووالہ میں چار ڈاکو محنت کش غلام محمد سے موٹر سائیکل اور 10ہزار روپے چھین کر فرار ہوگئے، آبادی داؤکے میں محمد کامران کی موٹر سائیکل چوری ہوگئی،محلہ جناح پارک میں واقع ایک جوتوں کی دکان سے اس وقت گاہکوں کے روپ میں چوروں نے گھس پر ڈھائی لاکھ روپے چوری کرلئے جب وہ کھانا کھانے کیلئے دکان سے باہر گیا تھا، تھانہ صدر کے علاقہ گھنگ گاؤں سے نامعلوم چور فلک شیرکی موٹر سائیکل لیکر فرار ہوگئے، تھانہ سٹی اے ڈویژن کے علاقہ حبیب کالونی سے نامعلوم چور لیاقت علی کی موٹر سائیکل لے اڑے۔