ممبئی…..بالی وڈ اداکارہ ریا سین آج اپنی 35 ویں سالگرہ منا رہی ہیں۔ 24 جنوری1981 کو پیدا ہونے والی بھارتی اداکارہ نے اپنے فلمی کیرئیر کاآغاز1991 میں بطور چائلڈ سٹار کیا جن کا پیدائشی نام ریا دیو ورما تھا۔
18 سال کی عمر میں فلمی کردار نبھاکر اپنی پرفارمس کی دھاک بٹھادی اور بہترین اداکارہ کا نیشنل فلم ایوارڈ جیت لیا۔ اداکارہ کو پہلی بار کیمرے کے سامنے پرفارم کرنے کا موقع میوزک البم یاد پیا کی آنے لگی میں ماڈلنگ کرنے سے ملا ،اس پر ان کی پرفارمنس کو بہت سراہا گیا اور بالی وڈ تک ان کی اداکاری کے چرچے ہوئے جس پر انکو نئی فلموں میں کام کرنے کی آفرز ہونے لگیں۔اداکارہ کی پہلی فلم وشکانیا نے باکس آفس پر کامیابی حاصل کی، پھر 1999میں تامل فلم تاج محل میں جلوہ گرہوئیں ،اسی زبان میں 2000کے دوران فلم گڈلگ کی ،2001 میں ہندی فلم اسٹائل میں پرفارم کیا۔2002 میں فلم دل ول پیارویارمیں جلوے دکھائے۔2003 میں فلم سازش کی،پھر قیامت میں کام کیا۔ 2004 میں فلم دل نے جسے اپنا کہامیں کامنی کا کردار نبھایا اوراسی سال فلم پلان بھی کی ۔2005 میں فلم شادی نمبرون میں کردار نبھایا،فلم جیمز اور سلسلےبھی اسی سال کی۔2006میں فلم لو یو ہمیش ہمیں میگھنا کا کردار خوبی سے نبھایا۔ 2007میں ہائے بے بی کی۔ 2008 کے دوران فلم ہیروز، زور لگا کے اور لو کھچ دی میں کام کیا۔ 2009میں فلم پیئنگ گیسٹس کی۔2010 میں فلم بنی اینڈ ببلو میں کام کیا، 2011کے دوران فلم کشمکش میں جلوہ گر ہوئیں۔ پھر فلم تیرے میرے پہرے کی۔ 2012 میں ریلیز ہونے والی فلم تھری بیچلرزمیں نشا کا کردار نبھایا۔ریا سین فلاحی کاموں میں بھی وہ بڑھ چڑھ کر حصہ لیتی ہیں او ر اس کیلئے انہوں نے ایک این جی او بھی بنائی ہوئی ہے۔
