اسلام آباد….وزیر اطلاعات پرویز رشید نے کہا ہے کہ شہریوں کی حفاظت ریاست کی ذمے داری ہوتی ہے، ایک واقعے کے بعد امریکا میں بھی اسکول بند کیے گئے، دہشت گردی میں اندر کے ہاتھ کی مدد نہ ہوتو باہر کا ہاتھ کچھ نہیں بگاڑ سکتا ، ہمیں اپنے اندر کے ہاتھ سے نمٹنا ہے،وزیراعظم نے کمٹمنٹ کی تھی کراچی کے جرائم میں ملوث لوگوں کو ڈھونڈنکالیں گے۔وفاقی وزیر اطلاعات پرویز رشید کا میڈیا سے گفتگو کرتے ہوئے کہنا تھا کہ وزیراعظم نے کمٹمنٹ کی تھی کراچی کے جرائم میں ملوث افراد کو ڈھونڈنکالیں گے۔انٹیلی جنس معلومات پر بہت سے واقعات کو ہونے سے روکا گیا۔پوری دنیاسے دہشت گردی کے خاتمے میں پاکستان کردارادا کرے گا۔پرویز رشید کا مزید کہنا تھا کہ پیپلز پارٹی دہشت گردی کے خاتمے کی قومی پالیسی کی حمایت کرتی ہے ۔آپریشن ضرب عضب جاری رکھا جائے گا۔
