اسلام آباد(اصغر علی مبارک) گذشتہ 24گھنٹوں کے دوران ضلع راولپنڈی کے مختلف مقامات پر23روڈ ٹریفک حادثات رونما ہوئے جن میں24افرادزخمی ہوئے ۔ان حادثات میں09افراد معمولی زخمی ہوئے جنہیں ریسکیو1122 کی ٹیموں نے جائے حادثہ پر فوری ابتدائی طبی امداد فراہم کیں اور15افراد ذیادہ زخمی ہوئے جنہیں ابتدائی طبی امداد دیتے ہو ئے فوری طور پر ضلع راولپنڈی میں قریبی ہسپتالوں میں منتقل کیا گیا۔گذشتہ 24گھنٹوں کے دوران ضلع راولپنڈی میں ہونے والے ان ٹریفک حادثات میں کوئی جانی نقصان نہیں ہوا۔
ریسکیو 1122 راولپنڈی کے کمانڈ اینڈ کنٹرول روم کو موصول ہونے والی ایمرجنسی کالز کے مطابق ان ٹریفک حادثات میں14ڈرائیورز،06مسافراور04پیدل چلنے والے افراد متاثر ہوئے جن میں21مرداور03 عورتیں شامل ہے۔ ان ٹریفک حادثات میں زخمی ہونیوالوں میں03افراد کی اوسط عمر 18سال سے کم،14 افراد کی اوسط عمر18 سے 40سال کے درمیان ،05 افراد کی اوسط عمر 41سے 60سال کے درمیا ن اور 02افراد کی اوسط عمر 60سال سے ذیادہ ہے۔
