پشاور (جیوڈیسک) عمران خان کی اہلیہ ریحام خان کا کہنا ہے انہیں ہار کی کیا ضرورت ہے، الطاف بھائی نے کچھ دینا ہے تو لاوارث بچوں کو دیں، کہتی ہیں این اے 246 میں خواتین تبدیلی لائیں گی۔
ریحام خان کو ایم کیو ایم کے قائد الطاف حسین کی جانب سے تحفہ دینے کا وعدہ یاد دلایا گیا تو بولیں انہیں ہار کی کیا ضرورت ہے۔ الطاف بھائی نے کچھ دینا ہے تو سٹریٹ چلڈرن کوعطیہ کر دیں۔
انہوں نے کہا وہ کراچی کے حلقے این اے 246 میں خواتین کو متحرک کریں گے۔ اس حلقے میں تبدیلی خواتین ہی لائیں گی۔ اس سے پہلے ریحام خان وزیر اعلیٰ ہاؤس پشاور میں سٹریٹ چلڈرن کے حوالے سے ہونے والی تقریب میں بطور مہمان خصوصی شریک ہوئیں، اس موقع پر وہ بچوں سے گھل مل گئیں اور بچوں نے انہیں گلدستے پیش کیے۔
تقریب سے خطاب میں انہوں نے کہا کہ سڑکوں پر پھرنے والے لاوارث بچے ریاست کے بچے ہوتے ہیں، سٹریٹ چلڈرن کو اچھا مستقبل دینے کا آغاز کے پی سے کرینگے۔
