کراچی……….. بالی ووڈ کے معروف اداکاررضا مرادآج اپنی بیٹی عائشہ کے ہمراہ کراچی پریس کلب پہنچے ،جہاں رضا مراد نے خطاب کیا ، کراچی پریس کلب کی جانب سے اداکار رضا مراد اوران کی بیٹی عائشہ مراد کو اجرک اور سندھی ٹوپی کا تحفہ دیاگیا۔
رضا مراد نےکراچی پریس کلب میں میڈیا کے نمائندوں سے ملاقات اور خطاب کرتے ہو ئے انہوںنےکراچی والوں کی مہمان نوازی کی دل کھول کر تعریف کی ،انہوں نے کہا کہکراچی دل والوں کا شہر ہے،آپ نے یہاںجو پیار دیا اس کی کوئی قیمت نہیں ،میرے پاس اس مہمان نوازی کا شکریہ ادا کرنے کےلئے بھی الفاظ نہیں جن سے میں اظہار کر سکوں۔انہوں نے پاکستان اور بھارت کے کرکٹ شائقین سے کہا کہ19مارچ کے میچ کو میچ کی حد تک ہی لیں،ٹی20میچ دوستانہ ماحول میں کھیلے جاتے ہیں جو بہتر کھیلے گا وہ ہی جیتے گا اگر ہم میں سے کوئی جیت تا ہے تواس میں افسوس کی ضرورت نہیں۔اس موقع پر رضا مراد نے نظمیں بھی سنائیں،سرحد وں کے پار ہم بھی ہیں تم بھی ہو
سینے میں دھڑکتا ہے دل دونوں پار
محبت کے طلب گار تم بھی ہو ہم بھی ہیں
عائشہ مراد کا اس موقع پر کہنا تھا کہ میں یہاں آکر بہت خوش ہوں ،آپ لوگوں نے یہاں جو پیار دیااس کے بعد اپنے آپ کو بہت چھوٹا محسوس کر رہی ہوں،پاکستان در حقیقت وہ نہیں جو ہمیں دکھایا جاتا ہے۔
