ریسکیو کے مطابق راولپنڈی کے علاقے صدر میں واقع نجی بینک کے سیکورٹی گارڈ سے اچانک گولی چل گئی ، فائرنگ کی زد میں آ کر بینک کی ملازمہ حنا اور بینک میں موجود شہری حارث زخمی ہو گئے
راولپنڈی (یس اُردو) راولپنڈی کے علاقے صدر میں سیکورٹی گارڈ کی فائرنگ سے خاتون بینک ملازمہ جاں بحق جبکہ ایک شخص زخمی ہو گیا ۔ریسکیو کے مطابق راولپنڈی کے علاقے صدر میں واقع نجی بینک کے سیکورٹی گارڈ سے اچانک گولی چل گئی ، فائرنگ کی زد میں آ کر بینک کی ملازمہ حنا اور بینک میں موجود شہری حارث زخمی ہو گئے جنہیں فوری طور پر ڈسٹرکٹ ہیڈ کوارٹر ہسپتال منتقل کیا گیا ، خاتون ملازمہ کو ناک کے نیچے جبکہ شہری کو گردن پر گولی لگی ، تیس سالہ حنا گل ہسپتال پہنچ کر دم توڑ گئیں ۔ پولیس نے سیکورٹی گارڈ کو حراست میں لے کر پوچھ گچھ شروع کر دی ہے
