Rawalpindi,car,boy,found,the,girl

راولپنڈی کے تھانہ نیو ٹاؤن علاقے میں ایک گھر سے لڑکی اور لڑکے کی لاشیں برآمد ہوئی ہیں۔ پولیس کا کہنا ہے کہ بظاہر دونوں نے زہر کھا کر خود کشی کی۔

پولیس کے مطابق راولپنڈی کے علاقے سیٹلائٹ ٹاون کے ڈی بلاک میں لڑکی اور لڑکے کی لاشیں لڑکے کے گھر کے کار پورچ میں کھڑی گاڑی سے ملیں۔

لڑکا تیمور اور لڑکی فائزہ دونوں نجی تعلیمی ادارے کے طالب علم تھے۔ مری کا رہائشی لڑکا والدین کے ہمراہ گھر میں رہائش پذیر تھا ۔جبکہ لڑکی راولپنڈی کے علاقے ٹنچ بھاٹا کی رہائشی تھی۔

دونوں آپس میں شادی کرنا چاہتے تھے لیکن گھر والوں سے انکار سے دل برداشہ ہو کر زہر کھا کر خود کشی کر لی۔ دونوں کی لاشیں پوسٹ مارٹم کےلیے ہولی فیملی اسپتال منتقل کر دی گئیں ہیں۔