Ranbir and Katrina

ممبئی ….بالی ووڈ کی معروف اداکارہ کترینہ اور رنبیر کپور نے ناصرف حقیقی زندگی میں اپنے راستے جدا کر لئے ہیں بلکہ ساتھ فلموں میں کام کرنے سے بھی ناخوش ہیں،یہی وجہ ہے کہ بالی ووڈ کی نئی فلمجگا جاسوس کی شوٹنگ کھٹائی میں پڑ گئی ہے۔
انوراگ باسو کی ہدایتکاری میں بننے والی اس فلم میں رنبیر اور کترینہ کو ایک دوسرے کے مدمقابل مرکزی کردار کے لئے چنا گیا تھا، جس کی شوٹنگ کے لئے یہ دونوں اداکار کچھ خاص سنجیدہ نظر نہیں آرہے۔ذرائع کے مطابق کترینہ کیف نے سدھارت ملہوترا کے ساتھ اپنی نئی فلم بار بار دیکھو کی شوٹنگ کا آغاز کردیا، جس کی وجہ سے وہ کئی دنوں سے جگا جاسوس کی شوٹنگ کے لئے سیٹ پر نہیں آرہی ۔واضح رہے انوراگ باسو فلم کی کاسٹ تبدیل کرنے کے متعلق غور کر رہے ہیں کیونکہ اس فلم کی تیاری گزشتہ 2 سال سے جاری ہے اور متعدد بار ریلیز ڈیٹ آگے کی جا چکی ہے۔