لیوٹن برطانیہ (تیمور لون) پاکستان مسلم لیگ ن آزاد کشمیر برطانیہ کے چیئر مین اوورسیز راجا شفیق احمد پلاہوی نے پاکستان مسلم لیگ ن آزاد کشمیر کے سینئر رہنما نمبر دار راجا سلطان کے خلاف جعلی ایف آئی آر کے بارے میں شدید مذمت کرتے ہوئے کہا نمبردار راجا سلطان کے ماضی اور حال سے سارا علاقہ واقف ہے اور حلقہ کی عوام ان کی شرافت کی گواہ ہے۔
ان کے خلاف بنائی جانے والی جعلی ایف آئی آر کسی بھی صورت برداشت نہیں کی جائے گی ہم انتظامیہ کو اس گھناؤنے جرم کا ارتکاب کرنے کی ہر گز ہرگز اجازت نہیں دیں گے اور نہ ہی انتظامیہ کی بدمعاشی چلنے دیں گے ۔ انتظامیہ کو اپنی اس شرمناک حرکت پر نمبردار راجا سلطان سمیت عوام علاقہ سے بھی معافی مانگنی ہو گی۔
سب جانتے ہیں کہ علاقہ میں پاکستان مسلم لیگ ن آزاد کشمیر بڑھتی ہوئی شہرت سے مخالفین شدید نالاں ہیں اور آمدہ الیکشن میں امن و امان اور پاکستان مسلم لیگ ن آزاد کشمیر کی پوزیشن کو سبوتاژ کرنے کے لئے یہ سب ڈرامہ رچایا جا رہا ہے۔
ہم انتظامیہ کی جانب سے اس گھٹیہ حرکت کی بھرپور مذمت کرتے ہیں اور ہم یہ بھی جانتے ہیں کہ کس کی ایما پر یہ گھٹیہ اقدام کیا گیا مخالفین کو ہم باور کروا ادینا چاہتے ہیں کہ مخالف جس قدر بھی زور لگا لیں آمدہ الیکشن ان کی سیاسی موت ثابت ہو گا۔
