Rai Noor Ahmad Kharal

ننکانہ صاحب(نمائندہ یس اردوسے) پاکستان مسلم لیگ ن یوتھ تحصیل ننکانہ صاحب کے جنر ل سیکرٹری اور یونین کونسل بچیکی سے منتخب جنرل کونسلر رائے نور احمد کھرل نے کہا کہ پاک قطر گیس پائپ لائن منصوبہ خطے کی ترقی میں اہم کردار ادا کرے گا ۔ملکی مسائل کے حل کے لئے تما م سیاسی جماعتوں کو اپنا اپنا کردار ادا کرنا ہو گا ان خیالات کا اظہار انہوں نے صحافیوں سے گفتگو کرتے ہوئے کیا انہوں نے کہا کہ میاں محمد نواز شریف کی قیادت میں حکومت ملکی مسائل کے حل کا سفر شروع کر چکی ہے اور بہت جلد ملک سے دہشت گردی ،لوڈ شیڈنگ اور بے روزگاری کا نام و نشان تک مٹ جائے گا انہوں نے کہا کہ برادر اسلامی ملک قطر کے ساتھ حالیہ گیس پائپ لائن منصوبہ خطے کی ترقی میں اہم کردار ادا کرے گا اس منصوبے سے نہ صرف لوڈ شیڈنگ کے خاتمے میں مدد ملے گی بلکہ اس منصوبے سے پاکستان میں ترقی وخوشحالی کے نئے دور کا آغا ز ہو گا جس کے دورس نتائج برآمد ہوں گے ۔