مارکیٹ میں چھوٹا گوشت 750 اور بڑا 420 روپے کلو فروخت کیا جا رہا ہے ، راتوں رات 15 روپے کا اضافہ کیوں ہوا کوئی بتانے والا نہیں
کوئٹہ: رمضان کی آمد کیا ہوئی کہ منافع خور بھی سرگرم ہو گئے ، کوئٹہ میں تو اشیائے خور و نوش کی قیمتوں کو تو جیسے پر لگ گئے ہیں ۔ رمضان المبارک یوں تو رحمتوں اور برکتوں کا مہینہ ہے تاہم اس ماہ مبارک میں گرانفروشوں نے بھی کمر کس لی ، اس وقت مارکیٹ میں چھوٹا گوشت 750 بڑا 420 روپے فروخت کیا جا رہا ہے ، پوچھنے والا کوئی نہیں کہ راتوں رات 10 سے 15 روپے کا اضافہ کیوںکر کیا گیا۔
اگر رخ کیا جائے سبزی منڈیوں کا تو حالت اور بھی خراب ہے ۔ گرموں کا توڑ ایک پائو لیموں کی قیمت 80 ، ٹماٹر 70 جبکہ گوبھی 50 روپے ہے ۔ ایسے ہی پھلوں کی مختلف اقسامجنہیں دیکھ کر خریدنے کو دل تو للچاتا ہے مگر جیب اس کی اجازت نہیں دیتی ۔ سیب 260 چیکو 80 آڑو 230 کلو چیری کا ڈبہ 300 روپے میں فروخت ہو رہا ہے ۔ شہریوں کا کہنا ہے کہ رمضان کے آتے ہی قیمتوں کو پر لگ گئے ہیں ۔ شہریوں کا مطالبہ ہے کہ گرانفروشوں کے خلاف کاروائی اور دکانداروں کو سرکاری نرخنامے کا پابند کیا جائے ، تاہم رحمت کا یہ ماہ سفید پوش طبقے کے لیے زحمت نہ بنے۔
