چینی جوڑے کو 24 مئی کو جناح ٹائون میں مسلح افراد نے دن دیہاڑے اغوا کیا تھا ، پولیس تمام تر کوششوں کے باوجود سراغ نہ لگا سکی
کوئٹہ: کوئٹہ سے اغوا ہونے والا چینی جوڑا 9 روز گزر جانے کے بعد بھی بازیاب نہ ہو سکا تحقیقاتی کمیٹی کی رپورٹ بھی تاحال منظر عام پر نہیں آئی ، صوبائی حکومت مارچ میں اغواء ہوئے سیکرٹری ہائیر ایجوکیشن کو بھی بازیاب کرانے میں ناکام رہی تاہم مغوی کا تبادلہ کر کے رپورٹ کرنے کی ہدایت کر دی ۔ جناح ٹاوئن سے نو روز قبل اغوا ہونے والے چینی جوڑے کا سراغ نہیں لگایا جا سکا حکومت بلوچستان کے تمام تر دعووں کے باوجود 9 روز گزر گےمغوی چینی باشندوں کا بازیابی عمل میں نہ آئی ۔ آئی جی پولیس احسن محبوب کی جانب سے بنائی گئی تین رکنی تحقیقاتی کمیٹی کی رپورٹ بھی تاحال منظر عام پر نہیں آئی ۔ چینی جوڑے کو 24 مئی کو جناح ٹاؤن سے مسلح افراد نے اغوا کیا تھا دوسری جانب مارچ میں اغواء ہوئے سیکرٹری ایجوکیشن عبداللہ جان کو بھی بازیاب نہیں کرایا جا سکا تاہم حکومت نے پھرتی دکھاتے ہوئے مغوی کو بازیاب کرانے کے بجائے اس کا تبادلہ محکمہ ایس اینڈ جی اے ڈی میں کر دیا اور مغوی کو رپورٹ کرنے کی ہدایت کرتے ہوئے نوٹفیکشن جاری کر دیا۔
