تاریخ گواہ ہے فریڈم فائٹرز جدید دنیا کے سب سے محترم لیڈر گنے جاتے ہیں، مگر شروع میں سب کو دہشتگرد اور نقص امن کاذمہ دار قرار دیا گیا
راولپنڈی(یس اردو سپیشل) ممتاز سیاسی وسماجی شخصیت اور پیپلز پارٹی اوورسیز کے راہنما قاری فاروق احمد فاروقی نے کہا ہے کہ کشمیر کی تحریک آزادی کے مجاہد ین کو دہشتگرد قرار دینا امریکی اور ہندوستانی استعمارکی گہری سازش ہے،جس کو مہذب دنیا نے یکسر مسترد کردیا ہے، دنیا میں جتنی بھی تحاریک آزادی کے سلسلے میں راہنما سامنے آئے ہیں آج تک سب کو پہلے دہشتگرد اور فسادی کہا گیا مگر بعد میں مہذب دنیا نے ان تمام کو آزاد معاشروں کا ہیرو قرار دیا ہے۔
اسی طرح کشمیر کی جدوجہد آزادی بھی شہداءکے خون سے عبارت ہے اور سید صلاح الدین اس دور کے سب سے بڑے فریڈم فائٹر بن کر ابھر چکے ہیں، ان پر پابندیوں اور دہشتگردی کے الزامات نے ان کی جدوجہد کو مزید نکھار دیا ہے اور انشااللہ وہ دن دور نہیں جب آزادی کا سورج ضرور طلو ع ہوگا۔
کشمیر کی تحریک آزادی کے مجاہد دہشتگرد قراردینے سے پور ی دنیا کے فریڈم فائٹرز دہشتگردہوگئے، قاری فاروق احمد فاروقی
