پاکستان پیپلز پارٹی پنجاب کونسل کے ممبرایگزیکٹو قاری فاروق احمد گورسی عمرہ کی ادائیگی اورروضہ رسول ﷺ پرھاضری کیلئے اہلخانہ کے ہمراہ آج روانہ

اسلام آباد/پیرس(ایس ایم حسنین) پاکستان پیپلز پارٹی پنجاب کے ممبرایگزیکٹو قاری فاروق احمد گورسی عمرہ کی سعادت اورروضہ رسول ﷺ پرحاضری کیلئے آج اہلخانہ کے ہمراہ روانہ ہونگے۔

پیپلز پارٹی کے سابق چیف آرگنائزر برائے یورپ اور ممبرایگزیکٹو پنجاب کونسل قاری فاروق احمد گورسی ربیع الاول شریف کے آغاز پر نجی دورے پر پیرس سے پاکستان تشریف لائے اور اپنے آبائی گائوں میں ربیع الاول شریف اورمیلاد کے مرکزی جلوس میں شرکت کے بعد آج اہلخانہ کے ہمراہ روضۃ رسول ﷺ پرحاضری اورعمرہ کی سعادت حاصل کرنے کیلئے روانہ ہونگے۔

ادب گاہیست زیرِ آسمان از عرش نازُک تر

کہ راہ گُم کردہ می آیَد جُنید و بایزید ایں جا

اس موقع پر انہوں نے میڈیا سے بات چیت کرتے ہوئے کہا کہ اللہ کی رحمت ہے ان لوگوں پر جن کو اللہ تعالیٰ نے اپنے گھر خانۂ کعبہ و مسجد نبوی اورمدینہ منورہ کے لئے توفیق ِ رفیق عطا فرمائی۔ الحمد للہ، سبحان اللہ !شکر ہے خدا کہ آج گھڑی اس سفر کی ہے ٭ جس پر نثار جان فلاح و ظفر کی ہےاس کے طفیل حج بھی خدا نے کرا دیئے ٭ اصلِ مراد حاضری اس پاک در کی ہے یہ بڑی قسمت اور نصیب کی بات ہے۔ بلا منظوری بلاوانہیں آتا۔۔ انشااللہ روئے زمین کے سب سے افضل ترین مقام مسجد الحرام اورروضہ رسول ﷺ پرعالم اسلام اور ملک وقوم کی ترقی اورکامیابی کیلئے خصوصی دعا کی جائیگی۔ اللہ تعالیٰ وطن عزیز کو آباد وشاد رکھیں اور اسے امن کا گہوارہ بنائیں اورصیہونی اورطاغوتی طاقتوں سے ہمیشہ کیلئے محفوط بنائیں