لالہ موسیٰ، رنیاں چیچیاں میں جشن عید میلاد النبی ﷺ کی رونقیں، فرانس کی ممتاز سیاسی وسماجی شخصیت قاری فاروق احمد صاحب اپنے دیرینہ دوستوں اورخاندان کے ہمراہ میلاد مصطفیٰ ﷺ کے جلوس کی قیادت کیلئے اپنے آبائی گائوں رونق افروز ہوگئے
لالہ موسیٰ(یس اردو سپیشل)پاکستان پیپلز پارٹی فرانس کے چیف آرگنائزر اور مینجنگ ایڈیٹر یس اردو نیوز قاری فاروق احمد فاروقی اپنے آبائی گائوں رنیاں چیچیاں میں جشن عید میلادالنبی ﷺ کی پر رونق ساعتوں میں اپنے پیاروں کے ہمراہ شرکت اور مرکزی جلوس عید میلاد النبی ؑ کی قیادت کیلئے رنیاں چیچیاں رونق افروز محفل ہوگئے۔ ان کا استقبال رنیاں چیچیاں کے عاشقان رسول نے کیا ۔ انہوں نے آج اپنے گائوں پہنچتے ہی گائوں کی سجاوٹ اور جشن عید میلاد النبیﷺ شایان شان طریقے سے منانے کیلئے تیاریوں کا جائزہ لیا۔
رنگ و نور سے پورا گائوں روشی مہکنے لگا۔ پورے گائوں کو برقی قمقموں ، جھنڈیوں اور پرچموں سے سجایا جانے لگا ۔ عیدمیلاد النبی ﷺ کی تیاریاں یکم ربیع الاول سے ہی شروع کر دی گئی تھیں ۔ جبکہ پورے گائوں کی گلیوں اور چتھوں پر عید میلاد النبی ﷺ کا رنگ نمایاں کیا جارہا ہے۔
ربیع الاول کی 12 کو نماز فجر کےبعد خصوصی دعا کی جائے گی اور عید میلاد النبی ﷺ کے جلوس کا آغازعلی الصبح ہوا جو کہ مختلف راستوں سے ہوتا ہواقاری محمد آصف گورسی کے گھر جا کر ختم ہوگا۔جہاں اجمتاعی دعا ہوگی اور جلوس کا اختتام وہیں پر ہوگا۔ جلوس کے دوران عاشقان مصطفیٰ ﷺ نذرانہ عقیدت پیش کریں گے ۔ جشن عید میلاد النبی ﷺ کے دوران نماز مغرب گائوں کی مرکزی جامع مسجد میں ادا کی جائیگی اور جلوس کا اختتام عشا کے وقت محمد آصف گورسی کے گھر ہمیشہ کی طرح کیا جائیگا۔
