پیرس(یس اردو نیوز) سابقہ چیف آرگنائزر پاکستان پیپلز پارٹی فرانس جناب قاری فاروق احمد
نے کہا ہے کہ کل بروز اتوار مادر جمہوریت محترمہ بیگم نصرت بھٹو کو خراج عقیدت پیش کرنے کیلئے تمام کارکنان ان کے آفس میں اکھٹےہوں گے ۔ جہاں ان کی طرف سے قرآن خوانی اور دعائیہ تقریب شام پانچ بجے منعقد ہوگی ۔
محترمہ نصرت بھٹو کی پانچویں برسی کے موقع پر انہوں نے اپنے بیان میں کہا کہ پاکستان کی سابقہ خاتون اول اور محترم جناب ذوالفقار علی بھٹوشہید کی دست راست اور معاون محترمہ نصرت بھٹو کی پانچویں برسی انتہائی عقیدت و احترام سے منائی جائیگی۔ محترمہ نصرت بھٹو کی ذات ایک ہمہ جہت ، بلند حوصلہ ، عزم و ہمت کی ایک داستان تھی جس کوآنے والی نسلیں بھی یاد رکھیں گے۔ محترمہ نے پاکستان میں جمہوریت کیلئے کسی بھی آمر کی آنکھوں میں آنکھیں ڈال کر بات کرنے والی پہلی خاتون راہنما ہونے کا اعزاز حاصل کیا۔ محترمہ نصرت بھٹو عزم وہمت کی وہ مثال تھیں جس کہ رہتی دنیا تک یاد رکھی جائے گی ۔ محترمہ نصرت بھٹو نے جمہوریت کی بحالی کیلئے ہر دکھ درد بڑے حوصلے اور صبر کے ساتھ نہ صرف برداشت کیا بلکہ اپنا پورا گھر لٹا دیا پھر بھی ان کے حوصلے اور استقلال میں نہ صرف کبھی کمی نی آئی بلکہ خلقت ان کے عزم اور ان کی جوانمردی کو دیکھ کر حیرت و حسرت میں مبتلا رہی۔
محترمہ نصرت بھٹو نے پاکستان پیپلز پارٹی کے کارکنان کی ہر سطح پرحوصلہ افزائی کی اور انتہائی جبر اور ظلم کو برداشت کرنے کا ہنر بھی سکھاتی رہیں
