قانون قدرت حرکت میں آگیا، مارشل لا کی پیداوار وزیر اعظم اور ان کے خاندان کے خلاف فیصلہ آیا تو کرپشن کے راستے بند ہو جائیں گے۔قاری فاروق احمد
پیرس(یس اردو نیوز) پاکستان پیپلز پارٹی کے سینئر راہنما اور آرگنائزر برائے یورپ قاری فاروق احمد نے کہا ہے کہ قدرت کا انتقام ہے کہ مارشل لائ کے ذریعے جمہوریت میں زبردستی داخل کیے جانے والے سیاستدان نااہل ہو رہے ہیں اور اس ملک کی سپریم کورٹ نے پاکستان کے سیاہ ترین مارشل لائ مارچ 1977 کی باقیات اور اس ملک کو دیمک کی طرح چاٹنے والے گھس بھیٹھیے سیاستدانوں کو نشان عبرت بنا دیا ہے اور ان کو اٹھا باہر پھینکا ہے
انہوں نے کہا ہے کہ یہ مقام شکر ہے کہ حکمران ٹولے کے ساتھ ساتھ پاناما اسکینڈل میں ملوث ہر لٹیرے کا احتساب شروع ہو چکا ہے۔ ان کا کہنا تھا کہ وزیر اعظم اور ان کے خاندان کے خلاف جے آئی ٹی کی تحقیقاتنے واضح کر دیا کہ کس طرح 1977 سے آج تک اس ٹولے نے ملک کو لوٹا اور کھایا ہے ۔ اب اصل معنوں میں پاکستان میں جمہوریت کا سفر شروع ہوا ہے۔
