پاکستان سپر لیگ میں آج لاہور قلندرز اور پشاور زلمی کے درمیان مقابلہ ہے ،، دونوں ٹیموں کو ایک میچ میں شکست ہوئی ہے تو ایک میں کامیابی ملی ہے ۔
دبئی کے انٹرنیشنل کرکٹ اسٹیدیم میں آج قلندرز دھمال ڈالنے کےلیے پر عزم ہے اوراس کا ٹاکرا پشاور زلمی سے ہے ۔ لاہور قلندر کے کپتان جارح مزاج میک کلم جیت کےلیے پر عزم ہیں ، وہ اس میچ سے پہلے دفاعی چیمپئن اسلام آباد یونائیٹڈ کو زیر کر چکے ہیں لیکن پشاور زلمی بھی کم نہیں ، اسلام آباد سے شکست کے بعد اس نے کراچی کنگز کو ہرایا ہے ۔ اس طرح لاہور اور پشاور دونوں ٹیموں کے دو دو میچز کے بعد دو دو پوائنٹس ہیں ، آج ہونے والا واحد میچ رات نو بجے شروع ہو گا اورپاکستان کا پہلا اسپورٹس چینل جیوسوپر میچ براہ راست نشر کرے گا۔
