لاہور…..وزیراعلیٰ پنجاب شہبازشریف کا کہنا ہے کہ اورنج لائن ٹرین جیسے مفاد عامہ کے منصوبے کی مخالفت ملکی ترقی کے دشمن کررہے ہیں۔
لاہور میں ویڈیو لنک کے ذریعے اورنج لائن ٹرین منصوبے سے متعلق اجلاس میں وزیراعلیٰ کا کہنا تھا کہ عام آدمی کوبہترین سفری سہولتوں کی فراہمی کیلئے اورنج لائن ٹرین منصوبہ سنگ میل ثابت ہوگا۔مخالفین کو پہلے بھی ترقی کے سفر میں رکاوٹیں ڈالنے پر شرمندگی کے سوا کچھ نہ ملا ، اجلاس میں اورنج لائن میٹروٹرین کے اراضی مالکان کو معاوضے کی ادائیگی کے عمل کا جائزہ لیا گیا ۔بریفنگ میں بتایا گیا کہ پہلے روز217 اراضی مالکان کو 85کروڑ روپے کی ادائیگی کی گئی ،مجموعی طور پر20ارب روپے مختص کیے گئے ہیں۔
