وزیراعظم نواز شریف نے سعودی عرب کے نئے ولی عہد شہزادہ محمد بن سلمان کو مبارکباد کا پیغام بھیجا ہے، جس میں شہزادہ محمد بن سلمان کے لیے نیک خواہشات کا اظہار کیا گیاہے۔
وزیراعظم نواز شریف نے پاک سعودی تعلقات کو مستقبل میں مزید مستحکم بنانے کے عزم کا اظہار کرتے ہوئے کہا ہے کہ پاکستان اور سعودی مشترکہ مذہبی اقدار میں بندھے ہیں اور مسلم امہ کے روشن مستقبل کے لیے دونوں ملکوں کی خواہشات یکساں ہیں۔ شہزادہ محمد بن سلمان کی قیادت میں سعودی عرب ترقی کی نئی منازل طے کرے گا۔ وزیراعظم نواز شریف نے یقین ظاہر کیا کہ پاکستان اور سعودی عرب کے درمیان تعلقات مضبوط اور عوام کے درمیان محبت کا رشتہ مزید گہرا ہوگا۔
