لاہور ہائی کورٹ نے کرپشن کی بنیاد پر وزیراعظم محمدنواز شریف اور ان کے بھائی وزیر اعلیٰ پنجاب محمد شہباز شریف کی نااہلی کی درخواست نا قابلِ سماعت قرار دےکر مسترد کردی ۔
لاہور ہائی کورٹ کے جسٹس شمس محمود مرزا نے مقامی شہری فیصل نصیر کی درخواست پرفیصلہ سنایا۔درخواست گزارکا الزام تھا کہ نواز شریف اور شہباز شریف کرپشن میں مبتلاہیں،اس کے علاوہ وفاق اورپنجاب کے ہر محکمے میں منظورِ نظر نااہل افسروں کو لگایا جا رہا ہے،دونوں بھائی آئین کے آرٹیکل 62 اور 63 پربھی پورا نہیں اترتےلہٰذاانہیں نا اہل قرار دیا جائے،عدالت نے درخواست کےقابلِ سماعت ہونےکے بارے میں فیصلہ محفوظ کرلیا تھا ۔آج فیصلہ سناتےہوئےعدالت نےدرخواست ناقابلِ سماعت قراردےکر مسترد کردی۔
