تہران (ویب ڈیسک) امریکی صدر کے مشرق و سطیٰ منصوبے سے متعلق ایرانی سپریم لیڈر آیت اللہ علی خامنہ ای کا کہا کہ اسرائیل نواز منصوبہ ٹرمپ کی موت سے پہلے ہی ختم ہو جائے گا۔تہران میں ایک تقریب سے خطاب کرتے ہوئے ایرانی سپریم لیڈرکا کہنا تھا کہ فلسطین صرف فلسطینیوں کا ہے

عمران خان کی ’ریڑھ کی ہڈی‘ ہی توڑ دو۔۔۔!!! جہانگیر ترین کو کس نے سیاست چھوڑنے پر مجبور کر دیا؟ پوری تحریک انصاف تِلملا کر رہ گئی

اوراس کے بارے میں فیصلہ کرنے کا حق بھی انہی کا ہے۔ واشنگٹن اورتل ابیب کون ہوتے ہیں دوسروں کی زمین اور گھروں کا فیصلہ کریں۔ انہوں نے ٹرمپ کے مشرق وسطیٰ کے منصوبے کو بیوقوفانہ اورشیطانی قرار دیا۔علاوہ ازیں ایران کے صدر حسن روحانی نے کہا کہ عالمی طاقتوں کے ساتھ تہران کے جوہری سمجھوتے کو برقرار رکھنے کیلئے وہ یورپی یونین کے ساتھ کام کرنے کو تیار ہیں۔ان خیالات کا اظہار صدر روحانی کی یورپی یونین کے شعبہ خارجہ اْمور کے سربراہ جوسیپ بوریل سے تہران میں ملاقات کے بعد جاری بیان میں کیا گیا۔صدر روحانی نے کہا کہ بدقسمتی سے امریکہ کی سمجھوتے سے یکطرفہ دستبرداری نے اِس پر مکمل طور پرعملدرآمد کرنے میں دیگر فریقوں کیلئے کئی رکاوٹیں اور مشکلات پیدا کیں۔اطلاعات کے مطابق یورپی یونین کے شعبہ خارجہ امور کے سربراہ نے کہا کہ وہ سمجھوتے کو بچانے کی غرض سے مضبوط باہمی رابطہ پیدا کرنے کیلئے ہر وہ کام کریں گے جو اْن کے اختیار میں ہے۔دریں اثناء ایرانی وزیر خارجہ محمد جواد ظریف نے کہا ہے کہ مذاکرات کوئی بری چیز نہیں۔جنگ کے بعد مذاکرات ہی ہوتے ہیں اور ایران بامقصد اور تعمیری مذاکرات سے انکار نہیں کرتا۔ البتہ یہ مذاکرات غیر مشروط اور برابری کی بنیاد پر ہونے چاہئیں۔ایرانی ذرائع ابلاغ کے مطابق وزیرخارجہ جواد ظریف کا کہنا تھا کہ سفارت کاری اور مذاکرات ملکوں پر جنگ کے اخراجات کا بوجھ کم کردیتے ہیں۔ادھرعراق میں تعینات ایرانی سفیر ایرج مسجدی نے کہاکہ ایران چاہتا ہے کہ سعودی عرب اور متحدہ عرب امارات سے اختلافات جلد سے جلد ختم ہوجائیں۔غیرملکی خبررساں ادارے کے مطابق ایرج مسجدی نے ایک بیان میں کہا کہ ایران اور سعودی عرب کے درمیان مسائل کے حل کے لیے عراق کے کردار کو سراہتے ہیں۔ایرج مسجدی نے کہا کہ ایران کی خواہش ہے کہ سعودی عرب اور متحدہ عرب امارات کے ساتھ جتنے اختلافات اور چیلنجز ہیں وہ جلد سے حل ہوں۔

چوہدریوں نے گیم ڈال دی: (ق) لیگ نے تحریک انصاف کیخلاف کمیٹی کہاں ڈال رکھی ہے؟ پرویزالہیٰ پس پردہ کیا چال چل رہے ہیں؟ ساری حقیقت کھول کر سامنے آگئی