فرانس کے معروف سیاسی راہنما اصغر خان کی جانب سے دوستوں کے اعزاز میںبار بی کیو اینڈ میوسیقی کی محفل کا انعقاد، معروف سیاسی وسماجی شخصیات کی شرکت
پیرس( نمائندہ خصوصی) خوشیاں مل بیٹھ کے بانٹنے کا نام ہے۔ جبکہ خوشیاں بانٹنے کے لئے نہ تو کوئی دن مقرر ہے اور نہ جگہ کا تعین۔ جہاں دوست احباب بیٹھ گے وہی دن عید کا دن بن جاتا ہے۔ لیکن پیرس کی مصروف اور تھکا دینے والی زندگی میں دوستوں کو فرصت کے چند لمحات مہیا کرنا اور ان کے ساتھ مل بیٹھنا کسی غنیمت سے کم نہیں۔
پیرس کے خوشگوار موسم سے لطف اندوز ہونے اور گوناگوں مصروفیات سے وقت نکال کر دکھ سکھ بانٹنے کیلئے فرانس کے معروف سیاسی وسماجی راہنما اصغر خان صدر مسلم لیگ ن یوتھ ونگ فرانس نے دوستوں کے اعزاز میں نہائت دلفریب محفل کا اہتمام کیا ۔ان کے دوستوں کی کثیر تعداد جو باربی کیو پارٹی میں مدعو تھیں جن میں پیرس کی معروف سیاسی وسماجی شخصیات شامل تھیں انہوں نے اصغر خان کے ذوق کی خوب داد دی۔
اس موقع پر اصغر خان صاحب کا کہنا تھا کہ باربی کیو پارٹی ایک بہانہ تھا اصل بات دوستوں کے دکھ سکھ بانٹنا اور ان کو بے حد مصروف مشینی زندگی سے کچھ وقت اپنی زات کیلئے نکالنے کا موقع مہیا کرنا تھا۔ انہوں نے دوستوں کے ساتھ گزرے ہوئے وقت کو زدنگی کا خوبصورت حصہ قرار دیا۔ انکی طرف سے گذشتہ روز ان کی رہائش گاہ پر بار بی کیو محفل کا انعقاد کیا گیا۔ جس میں بڑی تعداد میں مختلف شعبہ زندگی سے تعلق رکھنے والے دوست احباب نے شرکت کی ان میں صدر پیپلز پارٹی فرانس چوہدری محمد رزاق ڈھل ،پیرس کی معروف سیاسی وسماجی شخصیات ملک انصر خان، پاکستان پیپلز پارٹی کے سابق چیف آرگنائزر برائے یورپ قاری فاروق احمد فاروقی اور چوہدری اسحاق کے علاوہ پاکستانی کمیونٹی کی شخصیات نے شرکت کی۔
پارٹی کے شرکاء کے لئے مزے مزے کی بار بی کیو اورکھانوں کا بھی اہتمام کیا گیا تھا ۔ اس موقع پر موجود شخصیات نے ایک دوسرے سے ملکر خوشی کا اظہار بھی کیا اور فرانس ‘ پاکستان اور بین الاقوامی امور پر بحث و مباحثہ بھی خوب کیا اور اپنے اپنے حالات کا اظہار کیا۔
