پارلیمانی رپورٹرز ایسوسی ایشن (پی آر اے) کے صدر قربان بلوچ، سیکرٹری جنرل بہزاد سلیمی سمیت پوری ایگزیکٹو باڈی نے نیشنل پریس کلب اسلام آباد کے نو منتخب صدر شکیل قرار اور سیکرٹری انوررضا سمیت تمام منتخب عہدیداران کو دل کی گہرائیوں سے مبارک باد پیش کی ہے اور امید ظاہر کی ہے کہ وہ صحافی برادری کی فلاح و بہبود کے لیے مل کرکام کریں گے ۔
اپنے بیان میں انہوں نے نومنتخب صدر شکیل قرار، جنرل سیکرٹری انور رضا، سینئر نائب صدر احمد نواز، نائب صدور راجا خلیل احمد ،شاہ محمد، سعدیہ کمال، سیکرٹری فنانس صغیر احمد چوہدری، جوائنٹ سیکرٹریز سید شیراز گردیزی، ندیم چوہدری، احتشام الحق، شکیلہ جلیل سمیت تمام منتخب عہدیداران انتخابات میں کامیابی پر مبارک باد پیش کرتے ہوئے کہا ہے کہ الیکشن کے بعد نومنتخب عہدیداران کی جانب سے جس جذبے کا اظہار کیا گیا ہے پی آر اے اسے لائق تحسین تصور کرتی ہے اور امید کرتی ہے کہ صحافیوں کے حقوق کے لیے صحافتی اقدار، باہمی احترام اور اسی جذبے کو ملحوظ خاطر رکھتے ہوئے منتخب نمائندگان اپنا بھرپور کردار ادا کریں گے اور نیشنل پریس کلب کے وقار میں مزید اضافہ کرینگے- اس موقع پر اس جمہوری عمل کو مکمل کرانے میں الیکشن کمیٹی سمیت سینیئر صحافیوں نے جو مثبت کردار ادا کیا اس پر انہیں بھی سراہا گیا ہے ۔