اسلام آباد (مجیب الحسن) پاکستان پیپلز پارٹی کی رہنما فردوس عاشق اعوان نے کہا ہے کہ پاکستان پیپلز پارٹی کی ساکھ بحال کرنے کیلئے آسان اور سستا نسخہ موجود ہے نون لیگ کو طلاق دے کر حقیقی معنوں میں اپوزیشن کا کردار ادا کرے گھر میں اختلافات ہوتے ہیں لیکن گھر کو چھوڑا نہیں جاتا انہوں نے کہا کہ پاکستان پیپلز پارٹی کی ساکھ بحال کرنے کیلئے ملٹی نیشنل یا مہنگی ادویات کی ضرورت نہیں ہے۔
بلکہ آسان اور سستا نسخہ موجود ہے موجودہ حکومت سے یک طرفہ عشق سے نجات حاصل کرے مسلم لیگ ن کو طلاق دیں تب پیپلز پارٹی کا دوسرا جنم ہو گا پارٹی میں موجود زنگ آلود چہرے بچائے جائیں یا پارٹی بچائی جائے انہوں نے کہا کہ پاکستان پیپلز پارٹی میرا گھر ہے گھر سے ناراضگی ہو سکتی ہے تحفظات ہو سکتے ہیں گھر چھوڑ کر کوئی نہیں جاتا ورکرز کے حقوق کی جنگ پارٹی میں رہ کر لڑوں گی استعفیٰ دیا تھا۔
لیکن پارٹی نے منظور نہیں کیا پاکستان تحریک انصاف میں شمولیت کیلئے آفرز آئی ہیں لیکن ان کی آفرز یہ کہہ کر وآپس کردیں کہ پانچ سال اس پارٹی نے مجھے وزارت دی ہے اور پارٹی کا قرض ہے پارٹی کے مشکل وقت میں پارٹی کو چھوڑ نہیں سکتی۔
