پاک سر زمین پارٹی کے رہنما انیس قائم خانی کے خلاف مقدمہ کی سماعت 24نومبر تک ملتوی کردی گئی ۔انیس قائم خانی پر تھانہ کینٹ میں شہری نے 1994میں جلاؤ گھیراؤ اور اقدام قتل کا مقدمہ درج کرایا تھا۔
حیدر آباد سیشن جج کی عدالت میں جلاؤ گھیراؤ اور اقدام قتل کے مقدمے میں ملوث پاک سرزمین پارٹی کے مرکزی رہنما انیس قائم خانی پیش ہوئے ۔عدالت نے کیس کے پولیس پیپر انیس قائم خانی کے حوالے کردیئے ہیں ۔
انیس قائم خانی کے خلاف تھانہ کینٹ میں جلاؤ گھیراؤ اور اقدام قتل کا مقدمہ علی شاہ نامی شہری نے 1994 میں درج کرایا تھا اور اس مقدمہ میں انیس قائم خانی کی ایک لاکھ روپے کی ضمانت بھی منظور کی گئی تھی ۔
