میاں محمد حنیف پاکستان مسلم لیگ ن فرانس کے صدر منتخب، قائدین اور کارکنان کی دلی مبارکباد
پیرس ؍اسلام آباد ( ایس ایم حسنین) پاکستان مسلم لیگ ن فرانس کے نومنتخب صدر میاں محمد حنیف نے حلف کے بعد میڈیا سے گفتگو کرتے ہوئے کہا کہ قائد پاکستان میاں محمد نواز شریف اورمحترمہ مریم نواز شریف، صدر مسلم لیگ ن میاں محمد شہباز شریف ،پاکستان مسلم لیگ(ن)قائدین اورکارکنوں کاتہہ دل سے شکر گزار ہوں کہ جو اعتماد مجھ پر کیا گیا اس پرپورااترنے کی بھرپور کوشش کروں گا۔انہوں نے کہاکہ خودورکرہوں اورورکرزکادل سے احترام کرتاہوں،پارٹی کوفرانس میں نچلے سطح سے منظم کروں گاجس کیلئے پارٹی کے قائدین اورورکرزکاتعاون درکارہوگا،
ان کا کہنا تھا کہ کڑے وقت میں بھاری ذمہ داری ملی ۔ پاکستان مسلم لیگ ن کو ہر سطح پر دیوار سے لگانے کی سازشیں عروج پر ہیں لیکن انشااللہ ہم پرعزم ہیں اور پاکستان مسلم لیگ ن کی قیادت کا ہرقیمت پر دفاع کریں گے۔ ووٹ کو عزت دو کا بیانیہ ملک کے طول وعرض تک پھیل چکا ہے اسے عالمی سطح پر اجاگر کریں گے اور قائد پاکستان میاں محمد نواز شریف کی باعزت رہائی اور دوبارہ ملکی سیاست میں متحرک ہونے تک چین سے نہیں بیٹھیں گے۔
