سندھ رینجرز کی طرف سے جاری ویڈیو میں نظر آنے والا مشتبہ شخص کون تھا ۔ جوائنٹ ایکشن کمیٹی نے میڈیا کے سامنے پیش کر دیا ۔ سہیل بلوچ کا کہنا ہے کہ واثق علی پی آئی اے کا ملازم ہے ۔ سہیل بلوچ نے یہ پیشکش بھی کہ وزیراعظم اگر سرکاری طور پر بلائیں تو ہڑتال ختم کر کے ملنے جائیں گے۔
کراچی: (یس اُردو) جوائنٹ ایکشن کمیٹی نے مشتبہ شخص کو میڈیا کے سامنے پیش کر دیا۔ کراچی میں جوائنٹ ایکشن کمیٹی کے صدر سہیل بلوچ نے پریس کانفرنس کرتے ہوئے بتایا کہ مشتبہ شخص کا نام واثق علی اور پی آئی اے کا ملازم ہے۔ واثق علی نے آنسو گیس سے بچنے کے لئے منہ ڈھانپ رکھا تھا۔ سہیل بلوچ نے کہا کہ دعوی کیا کہ احتجاج میں تمام پائلٹس ان کے ساتھ ہیں۔ اتوار سے مظاہروں میں بھرپور قوت کا مظاہرہ کیا جائے گا۔ انہوں نے مزید کہا نوکریوں سے نکال بھی دیں تو بھی مظاہرے جاری رہے گے لیکن ساتھ یہ بھی کہا کہ مذاکرات کے لئے بلایا گیا تو وہ ضرور جائیں گے۔ سہیل بلوچ نے یہ بھی کہا کہ اب ملازمین کے اہل خانہ بھی احتجاج میں شریک ہوں گے۔
