میں نے سپریم کورٹ میں بھی الیکٹرانک میڈیا کو ویج بورڈ میں شامل کرنے کے لٸے پٹیشن داٸر کی تھی جس پر سپریم کورٹ کی ویج بورڈ میں الیکٹرانک میڈیا کو شامل کرنے کی ڈاٸریکشن موجود ہے ہمارا یہ مطالبہ ہے ویج بورڈ میں الیکٹرانک میڈیا کو شامل کیا جاٸے الیکٹرانک میڈیا کے ساتھی بھی ویج بورڈ میں شامل ہو جاٸیں گے اور ان کو بھی ویج بورڈ قانون کے مطابق اپنا حق اور تنخواہیں ملے گی پرویز شوکت
اسلام آباد میں آج ویج ایوارڈ کے سلسلے میں ہونے والی میٹنگ میں پی ایف یو جے ورکرز کے صدر پرویز شوکت اور سیکرٹری جنرل راجہ ریاض نے شرکت کی جس میں معاون خصوصی برائے میڈیا فردوس عاشق اعوان نے عبوری ویجز کا اعلان کیا اس موقع پر پی ایف یو جےورکرز کے صدر پرویز شوکت نےعبوری ویجزکو ناکافی قرار دیتے ہوئے مطالبہ کیاکہ ویجز میں مزید اضافہ کیا جائے کیونکہ گزشتہ 18 سال سے مہنگائی کے تناسب سے میڈیا ورکرز کی تنخواہوں میں اضافہ نہیں کیا گیا سیکرٹری جنرل پی ایف یو جے ورکرز راجہ ریاض نے کہا کہ نیوز پیپرز ایمپلائز کنڈیشن آف سروسز ایکٹ میں ترمیم کرکے ‘نیوز پیپر’ کی جگہ ‘میڈیا’ کا لفظ شامل کیا جائے تاکہ الیکٹرانک میڈیا کے تمام ورکرز کی ملازمتوں کو تحفظ مل سکے اور ان کی تنخواہوں و دیگر مراعات کو ویج بورڈ کے دائرہ کار میں شامل کیا جا سکے جس پر فردوس عاشق اعوان نے اتفاق کرتے ہوئے کہا کہ یہ ترمیم ہونی چاہئے اس موقع پرچئرمین ویج بورڈ جناب جسٹس حسنات بھی موجود تھے