پیرس، کوآرڈینیٹر پی ٹی آئی فرانس شیخ نعمت اللہ کا یس اردونیوز کے مرکزی دفتر کا دورہ، مینجنگ ایڈیٹر یس اردو نیوز نیٹ ورک قاری فاروق احمد فاروقی کیساتھ ملاقات
پیرس؍اسلام آباد(ایس ایم حسنین) پاکستان تحریک انصاف فرانس کے کوآرڈینیٹر شیخ نعمت اللہ نے آج یس اردو نیوز نیٹ ورک کے مرکزی دفترکا دورہ کیا۔ جہاں انہوں نے مینجنگ ایڈیٹر یس اردو نیوز نیٹ ورک قاری فاروق احمد فاروقی سے تفصیلی ملاقات کی ۔
شیخ نعمت اللہ نے یورپ اورپاکستان میں اوورسیز پاکستانیوں کی آواز بننے پر اورانکے جذبات اور احساسات کو اجاگر کرنے میں یس اردو نیوزنیٹ ورک کے کردار پر بھرپور خراج تحسین پیش کیا ۔یس اردو نیوز آفس میں شیخ نعمت اللہ کا استقبال مینجنگ ایڈیٹر یس اردو نیوز قاری فاروق احمد فاروقی اورانکی ٹیم نے کیا۔
اس موقع پر شیخ نعمت اللہ نے قاری فاروق احمد فاروقی سے تفصیلی ملاقات کی اور ان سے پاکستان کے سیاسی حالات اور مقبوضہ کشمیر کی صورتحال پر تفصیلی تبادلہ خیال کیا۔ انہیں یس اردو نیوز نیٹ ورک کے مختلف شعبوں اور مستقبل کے لئے بڑھتی ہوئی کوریج پر تفصیلی بریفنگ دی گئی ۔شیخ نعمت اللہ نے اوورسیز نیوز میڈیا میں یس اردو نیوز نیٹ ورک کے کردار
کو سراہا اورکہا کہ میڈیا کے کردار کو سمجھنے کی ضرورت ہے کیونکہ آزاد اورفعال میڈیا ہماری زندگیوں میں بھرپور اورصحتمند تبدیلی کا باعث بنتا ہے۔
قاری فاروق احمد فاروقی نے سیاسی جماعتوں کے راہنمائوں اور خصوصاً حکومتی اوراتحادی جماعتوں کے نمائندوں کی طرف سے صحافیوں کے حقوق کیلئے آواز اٹھائے جانے کو سراہا اور اس بات پر زور دیا کہ میڈیا اور مختلف شعبوں سے تعلق رکھنے والے افراد میں رابطے مزید بڑھانے کی ضرورت ہے تاکہ میڈیا انسٹی ٹیوشنز فعال کردارادا کرسکیں اور میڈیا کو جو شکایات عوام سے ہیں اور جو کمیونٹی کو میڈیا پرسنز سے شکایات ہیں ان کا موثر سد باب کیا جاسکے۔
قاری فاروق احمد فاروقی نے شیخ نعمت اللہ کا شکریہ ادا کیا دونوں شخصیات نے ملاقات کو نہائت خوشگوار اور تعمیری قرار دیا اور میڈیا ور سیاسی جماعتوں کے ورکنگ ریلیشن شپ کو موثر بنانے پر اتفاق کیا۔
