لاہور: پاکستان کی بین الاقوامی شہرت یافتہ ماڈل عائشہ لینیا اختر کو طلاق ہوگئی ہے جس کا اعلان انہوں نے گزشتہ روز اپنے آفیشل اکاؤنٹ پر کیا۔ عائشہ لینیا کی شادی دس سال پہلے ماڈل، اداکار و ڈائریکٹر شہباز شگری سے ہوئی تھی۔
ذرائع نے بتایا ہے کہ دونوں نے لو میرج کی تھی جو دس سال تک کامیابی سے چلتی رہی لیکن کچھ عرصہ قبل بعض معاملات پر اختلافات کے باعث بات طلاق تک جاپہنچی جس پر انہوں نے راستے جدا کرلئے۔ یاد رہے کہ شہباز شگری اداکاری کے ساتھ ساتھ بہت سے کمرشل اور وڈیوز بھی بناچکے ہیں جبکہ عائشہ لینیا کئی سال تک ماڈلنگ کرتی رہیں۔ انہیں 2012 میں میگنم کے کمرشل سے شہرت ملی تھی۔
