پاکستان کرکٹ ٹیم تیسرے اور فیصلہ کن ٹی ٹوئنٹی معرکے کے لیے آکلینڈ سے ٹورنگا پہنچ گئی۔
پاکستان اور نیوزی لینڈ کی کرکٹ ٹیموں کے درمیان تین میچوں کی سیریز کا آخری ٹی ٹوئنٹی میچ ماؤنٹ ماؤنگانوئی میں اتوار کو کھیلا جائے گا۔ سیریز ایک ایک سے برابر ہے۔ پہلے میچ میں میزبان نیوزی لینڈ جبکہ دوسرے ٹی ٹونٹی میچ میں پاکستان ٹیم نے کامیابی حاصل کی تھی۔ ٹورنگا پہنچنے کے بعد گرین شرٹس آج آرام کریں گے جبکہ تیسرے میچ سے قبل ٹریننگ سیشن کل ہوگا۔ واضح رہے کہ دوسرے ٹی ٹوئنٹی میں پاکستان کی فتح اس کی ٹور پر ابھی تک کی واحد کامیابی ہے۔
