اسلام آباد(ایس ایم حسنین) حکومت پاکستان اور عوام کے دل کمبوڈیا میں طوفانی بارشوں کے سے متاثرہ لوگوں کے ساتھ ہیں۔ترجمان دفتر خارجہ کی طرف سے کمیوڈیا کے متعدد صوبوں میں طوفانی بارشوں کے باعث قیمتی جانوں کے ضیاع پر گہرے رنج و غم اور ہمدردی کا اظہار کیا گیا۔ بیان میں کہا گیا ہے کہ “ہمارے دل متاثرہ افراد ، حکومت اور کمبوڈیا کے لوگوں کی طرف مائل ہیں۔ دفتر خارجہ کے ترجمان زاہد حفیظ چوہدری نے ایک ٹویٹ میں کہا کہ اس مشکل وقت میں پاکستان کمبوڈیا کے ساتھ کھڑا ہے۔