پولیس نے ملزم کو ہسپتال سے زخمی حالت میں گرفتار کرلیا،دو سال سے جھگڑے چل رہے تھے،ملزم نے قتل کرنے کا اعتراف بھی کر لیا۔
کراچی: اورنگی ٹاون منصور نگر میں سفاک شوہر نے گھر کے چار افراد کو قتل کر دیا،واقعے میں جنونی شخص خود بھی زخمی ہو گیا، قتل ہونے والوں میں ملزم کی بیوی رابعہ،بیٹی راحیلہ، بیٹا عارف اور سالا نور شامل ہے،پولیس نے ملزم منان کو زخمی حالت میں ہسپتال سے گرفتار کر لیا،پولیس کے مطابق واقعہ ابتدائی طور پر گھریلو شاخسانہ لگتا ہے،ایس پی آصف بھگیو کے مطابق ملزم بنگالی ہے اور کپڑے کا کاروبار کرتا ہے،ملزم کی خاتون سے دوسری شادی تھی اور گھر میں اکثر و بیشتر جھگڑا رہتا تھا،ملزم نے گذشتہ شب جھگڑے کے دوران برف توڑنے والے راڈ سے گھر والوں کو قتل کو دیا،پولیس نے گرفتار ملزم کا ابتدائی بیان ریکارڈ کر لیا،بیان میں ملزم نے قتل کا اعتراف کرتے ہوئے کہا کہ آئے روز مقتولہ رابعہ سے جھگڑے رہتے تھے،جو کھانا نہ دینے پر ہوا کرتے تھے،دونوں کی شادی کو دو سال گزر چکے ہیں جبکہ مقتولہ کی بھی ملزم سے دوسری شادی تھی،مقتولہ اور ملزم کے درمیان شادی رشتہ داروں کے زریعے ہوئی تھی،پولیس کو دیئے جانے والے بیان میں ملزم نے کہا کہ اسکی پہلی بیوی انتقال کر چکی ہے جس سے تین بیٹے اور ایک بیٹی ہے۔
