سوتیلے بچے مجھے برداشت نہیں تھے ، خدشہ تھا مستقبل میں میرے دشمن بن جاتے :قاتل باپ کی میڈیا سے گفتگو
کاہنہ (یس اُردو) کاہنہ میں قتل کیے گئے بہن بھائی کا قاتل سوتیلا باپ نکلا ، ملزم نے اعتراف جرم کرلیا ۔ پولیس کے مطابق ڈسکہ کی رہائشی سمیرا نے 6 ماہ قبل ملزم اصغر سے پسند کی شادی کی تھی ، ملزم نے اعتراف کیا ہے کہ بچی کو 20 روز قبل زہر دیکر قتل کیا اور سات سالہ طلحہ کو 4 روز قبل گلا دبا کر قتل کیا اور لاش بڑی نہر کے قریب پھینک دی ۔ ملزم نے کہا کہ سوتیلے بچے مجھے برداشت نہیں تھے ، خدشہ تھا کہ یہ کل کو میرے دشمن بن جاتے ۔ دونوں بچے سمیرا کے پہلے شوہر سے تھے ۔ پولیس کا کہنا ہے کہ ملزم سے مزید تفتیش جاری ہے ۔
