لاہور : ایک سو بتیس سال پرانا منصوبہ آج بھی شہریوں کو پانی فراہم کررہا ہے۔

One hundred thirty-two year old project

باہرسے دیکھنے پرتو سرخ اینٹوں کی سادہ سی عمارت ہے لیکن اس کے اندر پانی کی سپلائی کا منفرد منصوبہ سمویا ہوا ہے ۔بارہ فٹ اونچے پانچ سو بارہ ستونوں پر چار بڑے ٹینک ہیں ٹیوب ویلوں کی مدد سے دس لاکھ لیٹر پانی ذخیرہ ہوتا ہے۔اور پھرپائپ لائنوں کا جال پانی کو اندرون شہرکے گھرگھر میں پہنچاتا ہے۔یہ منصوبہ برطانوی دورکے گورنر سرایچی سن چارلس نے بنوایا ایک سو بتیس سال گزرگئے لیکن آج تک یہاں ایک بولٹ بھی تبدیل نہیں کرنا پڑا اور یہی خوبی سیاحوں کو یہاں کھینچ لاتی ہے ۔پانی والا تالاب کے نام سے مشہور یہ عمارت اب واسا کے زیرانتظام ہے لیکن حکام کی توجہ نہ ہونے سے چھت ٹوٹ پھوٹ کا شکار ہے اور عمارت میں روشنی کا بھی کوئی بندوبست نہیں ۔