کراچی پریس کلب پرنرسنگ اسٹاف کا احتجاج دوسرے روز بھی جاری ہے۔نرسوںنے صوبائی حکومت سے ماہانہ وظیفہ اور الاؤنسزبڑھانے کا مطالبہ کیا ہے۔
کراچی پریس کلب کے باہر سیکڑوں کی تعداد میں سندھ کے مختلف شہروں سے سرکاری اسپتالوں کا نرسنگ اسٹاف کا احتجاج دوسرے روز بھی جاری ہے۔نرسز کے مطالبات ہیں کہ صوبے بھر کے سرکاری اسپتالوں میں پرنسپل سپریم کورٹ کے حکم کی مطابق تعینات کیے جائیں ۔ نرسنگ اسٹاف کی تیس سالوں سے کوئی پروموشن نہیں ہوئی ۔ سرکاری اسپتالوں میں نرسنگ اسٹاف کا وظیفہ چھ ہزار روپے سے بڑھا کر بیس ہزار روپے کیا جائے ۔ مختلف الاونسز بڑھائے جائیں ۔ نرسز کا کہنا تھا کہ کئی بار اعلیٰ حکام کو اپنے مسائل سے آگاہ کیا ہے۔ مسائل حل نہ ہونے پر آج سراپا احتجاج ہیں۔ نرسوںنے مطالبات منظور ہونے تک احتجاج جاری رکھنے کا اعلان کیا ہے۔ ادھر حیدرآباداورنواب شاہ میں پیپلز میڈیکل اسپتال کی نرسوں نے ٹائم اسکیل،پروموشن اور خالی آسامیوں کے مطالبات کی منظوری کےلیے ریلی نکالی۔
