counter easy hit

نوکیا کے ایک اور کلاسیک فون کی نئی شکل میں واپسی۔۔۔ صارفین کے دل خوش کر دینے والی خبر

Nokia's new classic phone returns to its new look - Consumer Good News

لندن (ویب ڈیسک) ایم ایم ڈی گلوبل نے ایک بار پھر نوکیا کا ایک پرانا موبائل فون 2720 چند تبدیلیوں کے ساتھ متعارف کرادیا ہے۔اس بار یہ کلاسیک فلپ فون اسمارٹ فیچرز سے لیس ہے اور 2 اسکرینیں دی گئی ہیں، ایک تو فرنٹ پر جبکہ دوسری اندر کی جانب۔ خیال رہے کہ نوکیا فونز کا لائسنس حاصل کرنے والی کمپنی ایچ ایم ڈی گلوبل نے اب تک 3310 سمیت کئی پرانے موبائل فونز متعارف کرائے ہیں جن میں جدید فیچرز جیسے فور جی ایل ٹی ای دیئے گئے ہیں۔آئی ایف اے ٹیکنالوجی نمائاش کے دوران پیش کیے جانے والا فون 2 رنگوں بلیک اور گرے میں دستیاب ہوگا تاہم اس کے فروخت کی تاریخ کا فی الحال اعلان نہیں کیا گیا۔ویسے نوکیا 2720 فلپ فون میں گوگل اسسٹنٹ کے لیے ایک بٹن دیا گیا ہے جبکہ ایک ایمرجنسی بٹن بھی ہے جو صارف کی موجودہ لوکیشن کے ساتھ ٹیکسٹ میسج بھیج سکے گا، صارفین 56 کانٹیکٹس کو ایمرجنسی کانٹیکٹس کے طور پر درج کرسکیں گے۔اس میں مختلف ایپس جیسے فیس بک اور واٹس ایپ بھی صارفین کو دستیاب ہوں گی۔اس فون میں مین اسکرین 2.8 انچ کے کیو وی جی اے ڈسپلے سے لیس ہوگی جبکہ باہر کی اسکرین 1.3 انچ کی ہے۔اس فون میں 512 ایم بی ریم اور 4 جی بی اسٹوریج دی جائے گی جس میں مائیکرو ایس ڈی کارڈ کی مدد سے 32 جی بی تک اضافہ کیا جاسکتا ہے۔اس فون میں 2 میگا پکسل کیمرا فلیش کے ساتھ دیا گیا ہے۔بیٹری کے لحاظ سے یہ بہت طاقتور فون قرار دیا جاسکتا ہے جس میں 1500 ایم اے ایچ ریموو ایبل بیٹری دی گئی ہے۔اسی طرح بلیو ٹوتھ، وائی فائی، ایل ٹی ای اور ڈوئل سم سپورٹ موجود ہے اور اس میں کوالکوم 205 موبائل پلیٹ فارم اور کائی او ایس آپریٹنگ سسٹم دیا گیا ہے۔اس کی قیمت 89 یورو (15 ہزار پاکستانی روپے سے زائد) رکھی گئی ہے۔

About MH Kazmi

Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276

Connect

Follow on Twitter Connect on Facebook View all Posts Visit Website