اسلام آباد(ڈیلی پاکستان آن لائن )وزیراعظم عمران خان کے بھانجے حسان نیازی نے ایف اآئی اے کے نائب کو عدالت میں زور دار تھپڑ دے مارا ۔
تفصیلات کے مطابق سوشل میڈیا پر ایک ویڈیو تیزی کے ساتھ وائرل ہو رہی ہے جس میں عمران خان کے بھانجے حسان نیازی ایک شلوا ر قمیض میں ملبوث شخص کے ساتھ الجھ رہے ہیں جو کہ ایف آئی اے کا اہلکار ہے ۔تاہم اب اس ویڈیو کی تفصیلات منظر عام پر آ گئیں ۔
نجی ویب ٹی وی نے پیپلز پارٹی کے رہنما فیصل رضاعابدی کا ہائیکورٹ سے متعلق بیان نشر کیا تھا اور اس کیس سے متعلق ویب ٹی وی کی جانب سے عمرا ن خان کے بھانجے حسان نیازی کو عدالت میں نمائندگی کیلئے اپنا وکیل مقرر کیا گیا تھا ۔
تاہم جس نے حسان نیاز کو اپنا وکیل تعینات کیا تھا اسی نے انہیں ہٹاتے ہوئے دوسرا نمائندہ مقرر کر دیا جس پر حسان نیاز ی شدید برہم ہو گئے اور اس کے ساتھ ان کی تلخ کلامی بھی ہوئی ۔ اور اسی دوران ایف آئی اے کے اہلکار ممتاز علی انسداد دہشتگردی کی عدالت کی جانب بڑھ رہے تھے کہ حسان نیازی ان کی طرف بڑھے اور ان پر لپکتے ہوئے تھپڑ رسید کر دیئے اور ساتھ کہا کہ کوئی اور آکر میرے موکل کا کیس عدالت میں پیش کر رہاہے اور تم نے سے روکا بھی نہیں ۔
اس لڑائی کے بعد ایف آئی اے کے نمائندے کی جانب سے اسلام آباد کے رمنا پولیس سٹیشن میں شکایت درج کروا دی گئی ہے جس میں انہوں نے حسان نیاز ی کیخلاف قانونی کارروائی کیلئے اپیل کی ہے ۔پولیس کا کہناہے کہ قانون کے مطابق کارروائی کریں گے ۔
blob:https://www.dailymotion.com/3275fbf0-e0d8-48ad-8189-853b10d97897
