فتح اللہ ……آئی سی سی انڈر19ورلڈ کپ میں پانچویں پوزیشن کےلئے میچ میں پاکستان نے نیپال کو 112رنز سے شکست دے دی، حسن محسن نے سنچری اسکور کی ۔
فتح اللہ میں کھیلے جانے والے میچ کاٹاس نیپال نے جیتا اور پاکستان کو بیٹنگ کی دعوت دی، ابتدائی تین کھلاڑی 30کے اسکور پر پولین لوٹ گئے، لیکن پھر حسن محسن اور سیف بدر نے چوتھی وکٹ کی شراکت میں 189رنز بنائے حسن محسن نے آٹھ چوکوں کی مدد سے 117رنز بنائے۔سیف بدر نے 88رنز کی اننگز کھیلی دونو ںکے آئوٹ ہوتے ہی پوری ٹیم 258کے اسکور پر آئوٹ ہوگئی،نیپال کے لم چہان نے تین کھلاڑیوں کو آئوٹ کیا،بیٹنگ کے بعدحسن محسن نے تباہ کن بولنگ کا بھی مظاہرہ کیااور نیپال کی ٹیم کو 136رنز تک ہی محدود رکھا، نیپالی ٹیم کے تین کھلاڑی ڈبل فیگر میں داخل ہوسکے، پریم تمانگ 65کے ساتھ ٹاپ اسکوررہے، حسن محسن نے چار وکٹیں حاصل کیں۔
